Ermənistanda mövcud hakim “rusiyapərəst” qüvvələrlə “qərbpərəst” qüvvələr arasında ciddi qarşıdurma yaranıb.
Gununsesi.info erməni mediasına istinadən xəbər verir ki, ölkədə baş verən proseslər Ermənistanda növbəti seçkilərin gərgin keçəcəyindən xəbər verir. Hazırda “rusiyapərəst” Sərkisyan rejiminə qarşı “qərbpərəst” qüvvələrin güclü konsolidasiyası formalaşmaqdadır. Ermənistanda Sərkisyan rejiminə qarşı müxalif qüvvələrin “Milli özünütəyinetmə” bloku yaradılıb. Bu blok sabiq xarici işlər naziri Vardan Oskanyan tərəfindən yaradılıb və bloka prezident administrasiyasının rəhbərinin sabiq müavini Viktor Dəlləkyan, Demokratik partiyanın sədri Aram Sərkisyan, sabiq müfdafiə naziri Seyran Ohanyan daxil olub. Bu gün isə keçmiş sovet dissidenti Paruyra Ayrikyan da qoşulub.
Qarşıdakı günlərdə digər qüvvlərin və tanınmış ictimai-siyasi xadimlərin də qoşulacağı gözlənilir.
Gununsesi.info
