“Bonhams” ticarət auksion evində 1914-cü ilin istehsalı olan və Fransanın ən bahalı avtomobil modeli hesab edilən “Peugeot L45 Grand Prix Two-Seater” avtomobili satışa çıxarılıb.
Gununsesi.info “motor”a istinadən xəbər verir ki, 103 il bundan öncə Fransız istehsalı olan avtomobil auksionda 7 milyon 260 min dollara satılıb. Satılan avtomobil zamanında avtodromda yarışda iştirak edib.
“Peugeot L45 Grand Prix Two-Seater”in auksionda start qiyməti milyon dollar olub. Maşının üstün cəhəti ondan ibarətdir ki, banı və gücötürücü sistemi orijinaldır. Avtomobil 4 silindirli və 4,5 litr həcmə, 112 at gücünə malikdir.
“L45” avtomobili 1916-cı ildə yarışda iştirak edib və 3-cü yeri tutub. Maşını yarışda Ralf Malfrod idarə edib. 1919-20-ci ildə isə Art Klyayn və amerikalı biznesmen Lindley Botsuell sürüb. Maşın 1949-cu ilədək onun kolleksiyasında olub.
Gununsesi.info
