Pakistanın Lahor şəhər Ali Məhkəməsi ölkənin sabiq Baş naziri İmran Xanın həbsini 17 marta qədər təxirə salmaq barədə qərar qəbul edib.
Gununsesi.info xəbər verir ki, bu barədə “Reuters”bildirib.
Agentliyin məlumatına əsasən, İmran Xanın həbsinin qarşısını almağa çalışan tərəfdarları ilə polis qüvvələri arasında şiddətli toqquşmalar nəticəsində yaranmış gərgin vəziyyəti aradan qaldırmaq üçün Lahor məhkəməsi onun həbsini təxirə salıb.
Xatırladaq ki, dünən polis və təhlükəsizlik qüvvələri əməkdaşları sabiq Baş naziri öz iqamətgahında həbs etmək üçün yenidən cəhd ediblər. Xanın tərəfdarları isə hüquq-mühafizə orqanlarının əməkdaşlarına ciddi müqavimət göstəriblər və xüsusi təyinatlılar nümayişçilərə qarşı gözyaşardıcı qaz qumbaralarından istifadə ediblər.
Gununsesi.info
