Helsinki aeroportunun işçiləri iyunun 15-də tətil keçirəcəklər.
Gununsesi.info Trend-ə istinadən xəbər verir ki, Finlandiyanın iri hava limanı olan Helsinki-Vantaanın işçi heyətinin tətili cümə günü səhər saat 5-dən növbəti gün 05:00-dək davam edəcək.
Tətil vaxtı sərnişinlərə xidmət göstərilməyəcək.
Buna səbəb kimi Həmkarlar İttifaqı (IAU) ilə menecment və əmlakın idarə edilməsi sahəsində fəaliyyət göstərən “Lassila & Tikanoja Oyj” şirkəti arasında kollektiv əmək müqaviləsinin bağlanması zamanı yaranan münaqişə göstərilir.
Qeyd edək ki, Helsinki-Vantaa 2017-ci ildə 19 milyon sərnişinə xidmət edib.
