Türkiyənin 11-ci prezidenti Abdullah Gülün keçmiş məsləhətçisi Ayşə Yılmaz FETÖ istintaqı çərçivəsində tutulub.
Gununsesi.info TRT-yə istinadən xəbər verir ki, A.Yılmaz “Terror təşkilatına üzv olmaq” maddəsi ilə həbs edilib.
Ankara 3-cü Sülh Cəza Məhkəməsində sorğu-sual olunan Yılmaz ona qarşı irəli sürülən ittihamları qəbul etməyib. Yılmaz ifadə verdikdən sonra şərti azadlığa buraxılması haqqında qərar çıxarılıb.
Lakin, prokuror Yılmazın sərbəst buraxılmasına etiraz edib. Etirazı qiymətləndirən Ankara 4-cü Sülh Cəza Məhkəməsi etirazın yerində olduğunu bildirib və Ayşə Yılmaz barəsində saxlanma qərarı verib.
Gununsesi.info