Ötən gecə ABŞ-ın Nyu-Orlean şəhərindəki (Luiziana ştatı) məktəblərdən birinin qarşısında iki nəfər güllələnib.

“Report” xəbər verir ki, bu barədə şəhər polisi öz “Twitter” mikrobloqunda məlumat yayıb.

Məlumata görə, üzərində çoxsaylı odlu silah yaraları olan gənc qaradərili kişi tədris müssisəsi binasının qarşısındakı otluqda, digər odlu silah yarası alan şəxs isə əraziyə yaxın olan maşının içində aşkar olunub.

İlin əvvəlindən Nyu-Orleanda 22 qətl hadisəsi baş verib. Onların əksəriyyətində odlu silahdan istifadə olunub.

Gununsesi.info