AFFA İntizam Komitəsinin növbəti iclasında Azərbaycan Premyer Liqasının IX turunun 3 oyunu ilə bağlı qərar verilib.
Gununsesi.info xəbər verir ki, “Səbail”in məşqçisi Araz Qulamov “İnter”lə matçda texniki zona qaydalarını pozduğu üçün 1 oyunluq cəzalanıb.
“Sumqayıt” və “Zirə” öz aralarındakı matçda hərəyə 4 futbolçusunun sarı vərəqə ilə cəzalanması üzündən cərimələnib.
“Qəbələ” isə “Qarabağ”la görüşün 86-cı dəqiqəsində azarkeşlərinin pirotexniki vasitələrdən istifadə etmələri səbəbindən ziyana düşüb.
Qeyd edək ki, cərimələrin miqdarı hər komanda üçün 800 manat olub.
Gununsesi.info
