ABŞ-ın “Apple” korporasiyası süni intellekt hazırlanması ilə məşğul olan “Turi” startap şirkətini alıb.
Gununsesi.info xəbər verir ki, müqavilənin dəyəri təxminən 200 milyon ABŞ dolları təşkil edib.
“Turi” süni intellektli maşın və cihazların kənar müdaxiləsiz öz-özlərini idarə edə biləcəyi proqram təminatı hazırlayır.
“Turi” komandası tərəfindən hazırlanmış alqoritmlər istifadəçilərin davranışlarını təhlil edə, müxtəlif problemlərdə onlara ən uyğun həll variantını təklif edə və hətta elektron fırıldaqçılıq hallarını aşkar edə bilər.
“Apple” gələcəkdə “Turi”nin əldə edəcəyi texnoloji yenilik və uğurları özünün “Siri” adlı səsli elektron köməkçisində istifadə edə bilər. Bu cür elektron köməkçilər korporasiyanın istehsal etdiyi cihazların əksəriyyətində quraşdırılıb.
Gununsesi.info
