Bu gün Fransada keçirilən futbol üzrə Avropa Çempionatında 1/8 final mərhələsinin oyunlarına yekun vurulacaq.
Gununsesi.info xəbər verir ki, iyunun 27-də keçiriləcək iki oyunla 1/4 finalın bütün iştirakçıları müəyyənləşəcək.
Günün ən maraqlı oyunu İtaliya və İspaniya arasında keçiriləcək qarşılaşmadır. Oyunu türkiyəli referi Cüneyt Çakır idarə edəcək
1/8 final mərhələsinin son oyununda İngiltərə və İslandiya yığmaları üz-üzə gələcək.
27 iyun
“Avro-2016”, 1/8 final
20:00. İtaliya – İspaniya
23:00. İngiltərə – İslandiya
Qeyd edək ki, artıq 1/4 finalçıların 6-sı məlumdur. Bunlar Polşa, Portuqaliya, Uels, Belçika, Almaniya, Fransa yığmalarıdır.
1/4 finaldan yarımfinala çıxmaq uğrunda Polşa Portuqaliya, Uels isə Belçika ilə üz-üzə gələcək.
Digər iki cütlükdə Almaniya İtaliya / İspaniya cütünün qalibi, Fransa isə İngiltərə / İslandiya cütünün qalibi ilə qarşılaşacaq.
1/4 final
30 iyun
Polşa – Portuqaliya
1 iyul
Uels – Belçika
2 iyul
Almaniya – İtaliya / İspaniya cütünün qalibi
3 iyul
Fransa – İngiltərə / İslandiya
