Bakıda güllələnmə hadisəsi baş verib.
Gununsesi.info trend-ə istinadən xəbər verir ki, hadisə Bakının Sabunçu rayonunda qeydə alınıb. Suraxanı rayonu, Bülbülə qəsəbə sakini Vüsal Tufan oğlu Tanrıverdiyev Ramana qəsəbəsində bacısının həyat yoldaşının yaşadığı evə gəlib.
V.Tanrıverdiyev həmin evdə yeznəsi Anar Vaqif oğlu Rəsulov və onun atası Vaqif Rəsulova ov tüfəngi ilə atəş açaraq öldürməyə cəhd edib.
Hadisə nəticəsində ata və oğul güllə yarası ilə xəstəxanaya yerləşdirilib.
Sabunçu rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində hadisəni törədən şəxs saxlanılıb.
Faktla bağlı Sabunçu rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.
Gununsesi.info
