Avropa İttifaqı Şurası siyasi və təhlükəsizlik məsələləri komitəsinin üzvlərindən ibarət nümayəndə heyətini Bakıdan İrəvana aparan çarter reysi İrəvanda ciddi səs-küy yaradıb.
Gununsesi.info erməni mediasına istinadən xəbər verir ki, avropalı qonaqlar Bakıdan Heydər Əliyev Beynəlxalq Hava Limanından çarter reysi ilə İrəvanın “Zvartsnoç” hava limanına uçuş həyata keçirib.
Bakıdan İrəvana təyyarənin uçması ilə bağlı məlumat “Zvartsnoç” hava limanının saytında da yer alıb. Bu məlumat erməni mediasında ciddi marağa və qeyri-müəyyənliyə səbəb olub.
Avropa İttifaqının nümayəndə heyəti sentyabrın 4-də Bakıda rəsmilərlə keçirdikləri görüşlərdən sonra birbaşa İrəvana Azərbaycan təyyarəsi ilə uçublar.
Gununsesi.info
