Kiyev aeroportunda Femen fəalı gözləmə zalında sərnişinlərin qarşısına yarıçılpaq halda çıxaraq Ukraynaya seks-turlarına etirazını bildirib.
Gununsesi.info “qafqazinfo”ya istinadən xəbər verir ki, qadın Bakı reysi ilə gələn sərnişinləri əlində “Tofiq” və “Zakir” plakatları ilə qarşılayıb.
Femen-in saytında bildirilib ki, aksiya Azərbaycan Hava Yollarının Kiyevə seks-turlara təşviq edən video çarxına cavab idi.
Qeyd edək ki, video çarxın süjetində qəhrəman qoz-fındıq alaraq Kiyev reysinə minir. Daha sonra Ukraynanın paytaxtında yerli qızlar “Zakir və “Tofiq” yazılan plakatlarla Bakıdan gələn sərnişinləri gözləyirlər.
Gununsesi.info
