Daşkəsən rayon İcra Hakimiyyətindən Gununsesi.org-a bildirilib ki, 14 noyabr 2018-ci il saat 02:15 radələrində Daşkəsən rayonunun Quşçu kəndində 1970-ci il təvəllüdlü Tağıyev Pənah Cəmil oğluna məxsus ikimərtəbəli, 3 otaqlı, ümumi sahəsi 150 m2 sahəsi olan fərdi yaşayış evində yanğın hadisəsi baş verib.
Hadisə nəticəsində Tağıyev Pənah Cəmil oğlunun gəlini, 1990-cı il təvəllüdlü Tağıyeva Sevinc Şahin qızı, nəvələri – 2010-cu il təvəllüdlü Tağıyeva Aysun Asim qızı, 2012- ci il təvəllüdlü Tağıyev Sakit Asim oğlu, 2017- ci il təvəllüdlü Tağıyev Sadiq Asim oğlu və qız nəvəsi 2007-ci il təvəllüdlü Edilxanova Günel Qoşqar qızı ölüb. Hadisənin hansı səbəbdən baş verməsi ilə bağlı ilkin məlumat hələ ki yoxdur. Hadisə ilə bağlı rayon prokurorluğunda araşdırma başlayıb.
*************
Daşkəsən rayonunda dəhşətli yanğın hadisəsi olub. İlkin xəbərə görə, rayonun Quşçu kəndindəki evlərdən birində baş vermiş yanğın zamanı 5 nəfər həyatını itirib.
