Hindistanlı Rameş Kumari anadangəlmə dəri xəstəliyindən əziyyət çəkir.

Anadan olduqdan 15 gün sonra körpənin dərisi soyulmağa, yerini daş kimi sərt dəri təbəqəsi almağa başlayıb.

11 yaşlı uşaq dözülməz ağrılarla üz-üzə qalsa da həkimlər onun müalicəsinə çarə tapa bilmirlər. Balaca Rameşin şəkilləri sosial şəbəkələrdə yayıldıqdan sonra ingiltərəli müğənni Joss Stoun Rameşə kömək etmək qərarına gəlib. O, xeyiyyə konsertləri verib və müxtəlif təşkilatlardan daşlaşan uşağın müalicəsi üçün ianə toplamağı xahiş edib.

Toplanan vəsait hesabına Rameş Kumari Katmandu Səhiyyə Universitetində müalicəyə başlayıb. Bu dərdə çarə tapılmasa belə, həkimlər onun dözülməz ağırlarının qarşısını almaq üçün əllərindən gələni əsirgəməyəcəklərini bildiriblər.  (Olke.az)