6 tondan artıq tərəvəzi meyvə adı altında Rusiyaya keçirmək istəyən ermənilər istəklərinə nail ola bilməyiblər. Rusiya gömrükçüləri ermənilərin bu hiyləgərliyini faş edib və nəticədə Ermənistandan Rusiyaya aparılan 6 tondan artıq tərəvəz məhv edilib.
Gununsesi.info erməni mediasına istinadən xəbər verir ki, Vladikavkazdakı “Verxniy Lars” gömrük-keçid məntəqəsində Ermənistandan Rusiyaya alma adı ilə 5 ton pomidor, 1,2 ton bolqar bibəri və 245 kq badımcan keçirmək istəyiblər, lakin ermənilərin bu hiyləgərliyinin üstü açılıb. Rusiya qanunvericiliyinə uyğun olaraq ölkəyə qanunsuz olaraq keçirilən tərəvəz Rusiya Kənd Təsərrüfatı Nəzarəti İdarəsinin əməkdaşları tərəfindən məhv edilib.
Gununsesi.info
