Rusiya Xarici İşlər Naziriliyinin (XİN), konkret olaraq, nazir Sergey Lavrovun Rusiya vətəndaşı, əslən azərbaycanlı olan Dilqəm Əsgərovun hərəkətlərini qanunsuz şəkildə Azərbaycan torpaqlarını keçərək, işğal olunmuş ərazilərdə sepratizmi dəstəkləyəcək repotaj hazırlayan və Azərbaycanın ünvanına hədyanlar yağdıran blogger Aleksandr Lapşinlə eyniləşdirməsi Azərbaycan cəmiyyətində haqlı və ciddi etirazlara səbəb olub.
Əksəriyyət bunun Rusiyanın, o cümlədən, milliyyətcə erməni olan rusiyalı nazirin Ermənistana simpatiyasından irəli gəldiyini və bir həmsədr ölkə olaraq adıçəkilən dövlətin, onun rəsmilərinin bu cür davranışlarının yanlış, qəbuledilməz olduğunu vurğulayır.
Məsələ ilə bağlı millət vəkili Elman Məmmədov isə Gununsesi.info-ya açıqlamasında deyib ki, Rusiya tarixən erməniləri müdafiə edib və bu gün də onları dəstəkləməkdədir:
“Bu da əslində kiməsyə də sirr deyil. Moskva, Kreml Çar Rusiyası dövründə də, Sovetlər dönəmində də, indi də erməniləri açıq formada müdafiə edib və edir. Ermənilərə Cənubi Qafqazda yoxdan Azərbaycan torpaqları hesabına dölət yaradan da Rusiyadır. Rusiya XİN-in açıqlamasına gəldikdə isə onu deyə bilərəm ki, bu, bir daha onların İrəvana olan münasibətinin göstəricisi sayıla bilər”.
Millət vəkili əlavə edib ki, Stalin dönəmində ermənilərin Moskvada bir Mikoyanı var idisə, ancaq indi Rusiya siyasi idarəetmə sistemində Mikoyanlar timsalında Sergey Lavrovları var:
“Lavrovun kimliyi hamıya məlumdur və onların sayı çoxdur. Bu gün Rusiya siyasətində çoxsaylı mikoyanlar var. Onlar da erməniləri müdafiə edirlər”.
Lapşinlə D. Əsgərovu müqayisə edilməsinə gəldikdə isə E. Məmmədov deyib ki, bu, çox absurd müqayisədir.
“Alkesandr Lapşin Dilqəm Əsgərovdan fərqli olaraq, bir neçə ölkənin vətəndaşı olmaqla yanaşı, bölgəyə heç bir aidiyyatı olmayan şəxsdir. Dilqəm Əsgərov isə Rusiya vətəndaşı olsa da, azərbaycanlıdır və Azərbaycan onun doğma vətənidir. Onun doğmaları bur torpaqlarda dəfn edilib. Lapşin beynəlxalq hüquq normalarını və Azərbaycan qanunlarını kobud surətdə pozaraq, işğal olunmuş ərazilərdə olaraq Azərbaycanın ünvanına şər-böhtan ataraq, separatizmi dəstəkləyib.
Dilqəm Əsgərov isə heç bir qanun pozuntusuna yol vermədən, bir azərbaycanlı kimi öz doğmalarının qəbrini ziyarət etmək üçün doğulduğu və hazırda erməni işğalında olan rayona gedib. Ona görə də Rusiya XİN-nin belə bir mövqe sərgiləməsi absurd məsələ olduğu kimi də, axmaq müqayisədir”- deyə, millət vəkili vurğulayıb.
Son olaraq deputat bildirib ki, bununla bir daha Rusiya erməniləri müdafiə etdiyini göstərib:
“Bu gün Azərbaycan torpaqlarını işğal edib, ermənilərə verən də elə Rusiyadır”.
Mürtəza
Gununsesi.info
