Ermənistan hökuməti Türkiyə mallarının idxalına qoyulan qadağanı aradan qaldırıb.
Gununsesi.info xəbər verir ki, bu barədə Ermənistan İqtisadiyyat Nazirliyinin Feysbuk səhifəsində məlumat paylaşılıb.
Belə ki, Ermənistan 2022-ci il yanvarın 1-dən Türkiyə mallarına qoyulan embarqonu aradan qaldırılacaq.
Xatırladaq ki, 20 oktyabr 2020-ci ildə Ermənistan hökumətinin qərarı ilə Türkiyə mallarının Ermənistana idxalına altı aylıq qadağa qoyulub və bu qadağa 2021-ci il yanvarın 1-dən qüvvəyə minib. Yarım il sonra, iyunun 26-da keçirilən iclasda Ermənistan hökuməti türk mallarının idxalına qoyulan qadağanı daha altı ay uzadıb.
Gununsesi.info
