İqtisadiyyat Nazirliyinin Sahibkarlığa Kömək Milli Fondu Göygöl rayonu sahibkarlarından prioritet hesab olunan sahələr üzrə investisiya layihələrinin qəbuluna başlayır.
Nazirliyin mətbuat xidmətindən Gununsesi.info-ya bildiriblər ki, layihələrdə cins heyvandarlıq, üzümçülük, kartofçuluq və arıçılıq təsərrüfatlarının, süd və meyvə emalı müəssisələrinin, otelin yaradılması nəzərdə tutulub.
Sahibkarlar investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə İqtisadiyyat Nazirliyinin Sahibkarlığa Kömək Milli Fonduna müraciət edə bilərlər.
Qeyd edək ki, Sahibkarlığa Kömək Milli Fondu iyunun 8-də Göygöl rayonunun Xəqani kəndində işgüzar forum keçirib.
Anar
Gununsesi.info
