Hindistanın şimal-şərqindəki Assam əyalətində musson yağışlarının səbəb olduğu sellər nəticəsində 17 nəfər ölüb.
Gununsesi.info xarici KİV-ə istinadən bildirir ki, musson yağışları ölkənin bir çox bölgəsində su daşqınlarına yol açıb.
Assamda son 4 gündə 17 nəfərin həyatını itirdiyi, 42 min 500 nəfərin seldən əziyyət çəkdiyi bildirilir. Bölgədəki 3 min 292 hektar sahədə 716 kənd su altında qalıb, minlərlə insan təhlükəsiz ərazilərə evakuasiya edilib.
Meteorologiya Agentliyi yağışların digər bölgələrdə də təsirli olacağı barədə xəbərdarlıq edib.
