Gununsesi.info xarici mətbuata istinadən xəbər verir ki, Argentinanın paytaxtı Buyenos-Ayresin yaxınlığında qeyri-qanuni anbar aşkar edilib.
Baxış zamanı, Hitlerə və ümumilikdə faşist Almaniyasına məxsus 75 əşya aşkar edilib. Bunlar lupalar, insanların başını ölçən tibbi alətlər, o zamana məxsus orijinal fotolar və sairdən ibarətdir.
Məlumdur ki, İkinci Dünya müharibəsindən sonra bir çox faşist cinayətkarlar Cənubi Amerikaya qaçmışdı. Güman edilir ki, kolleksiya faşist Almaniyasında hansısa yüksək vəzifə tutan adama məxsus olub.
“İlkin araşdırmalar zamanı məlum olub ki, tapılan əşyalar orijinaldır və ferer bu əşyaların bir neçəsini insanları qorxutmaq üçün istifadə edib. Çünki Hitlerin bu alətlərlə birgə fotoları da tapıntılar sırasındadır”, – deyə, Argentinanın Təhlükəsizlik naziri Patrisiya Burlliç bildirib.
Gununsesi.info
