Əlcəzairin hava məkanını pozan Maliyə məxsus silahlı müşahidə pilotsuz təyyarəsi vurulub. Bu hadisədən sonra Əlcəzair Xarici İşlər Nazirliyi Əlcəzairin hava məkanını dəfələrlə pozduğuna görə Maliyə və Maliyə uçuşlara qadağa qoyduğunu açıqlayıb.
Gununsesi.info xarici mediaya istinadən xəbər verir ki, Əlcəzair Müdafiə Nazirliyi aprelin 1-də ölkənin hava məkanını pozduğu səbəbilə Sahara çölündə Tinzaouaten bölgəsi yaxınlığında silahlı müşahidə aparatını vurduğunu və sərhəddən 9,5 kilometr cənubda pilotsuz təyyarənin qalıqlarının tapıldığını açıqlayıb.
Əlcəzair Xarici İşlər Nazirliyi dünən açıqladı ki, hadisə ilə bağlı məlumatlar, o cümlədən radar fotoşəkilləri Əlcəzairin hava məkanının 1,6 km pozulduğunu göstərib.
Nazirlik açıqlamasında bildirib ki, Əlcəzairin hava məkanının dəfələrlə pozulması səbəbindən Maliyə və Maliyə uçuşlar qadağan edilib.
Mali Əlcəzairin bu addımına cavab verib. Malinin Nəqliyyat və İnfrastruktur Nazirliyi açıqlamasında bildirib ki, Əlcəzairin “beynəlxalq terrorizmi dəstəkləməkdə israrlı olduğu” əsası ilə Malinin hava sahəsi bütün Əlcəzair təyyarələri üçün bağlanıb.
Digər tərəfdən, Mali ilə yaxşı münasibətləri olan Mali və Burkina Faso və Niger pilotsuz təyyarə hadisəsini müzakirə etmək üçün Əlcəzairdəki səfirliklərini çağırıb. Əlcəzair bu addıma cavab olaraq Mali və Nigerdəki səfirlərini çağırıb və Burkina Fasodakı səfirinin andiçmə tarixini təxirə salıb.
Orxan
