Koreya Respublikasında keçirilən futbol üzrə U-20 dünya çempionatının qalibi İngiltərə millisi olub.
Gununsesi.info FIFA-nın saytına istinadla xəbər verir ki, ingilislər final matçında Venesuela yığmasına minimal hesabla qalib gəliblər – 1:0. Oyunun taleyini həll edən qolu 35-ci dəqiqədə Dominik Kalvert-Levin vurub. Venesuelalılar matçın 74-cü dəqiqəsində hesabı bərabərləşdirmək üçün gözəl imkandan – 11 metrlik cərimə zərbəsindən yararlana bilməyiblər.
Çempionatda üçüncü yer uğrunda İtaliya və Uruqvay milliləri arasında görüşün əsas vaxtında hesab açılmayıb. On bir metrlik cərimə zərbələri seriyasında 4:1 hesabı ilə qalib gələn İtaliya futbolçuları bürünc medallara layiq görülüblər.
Gununsesi.info
