İngiltərə koloniyası olan Cəbəllütariq muxtariyyəti Suriyaya tətbiq edilən sanksiyaları pozaraq bu ölkəyə neft daşıyan İrana aid tankerin 4 işçisini həbs edib.
Gununsesi.org Publika.az-a istinadən xəbər verir ki, onların içində gəminin kapitanı da var.
Cəbəllütariq polisindən verilən açıqlamada bildirilib ki, həbs edilənlərin hamısı Hindistan vətəndaşıdır. Onların məhkəmədə özünü müdafiə edə bilməsi üçün vəkil də təyin olunub.
Qeyd edək ki, İrana aid “Grace 1” neft tankerində işçi heyətinin əksəriyyətinin hind olduğu, aralarında pakistanlı və ukraynalıların da olduğu açıqlanmışdı. İşçilərin hamısını sorğuya çəkən Cəbəllütariq Ali Məhkəməsinin hakimi həbs müddətinin 14 gün olmasına qərar vermişdi.
Gununsesi.org
