İran İslam İnqilabı Mühafizəçiləri Korpusu (SEPAH) Qərbi Azərbaycan əyalətindəki Urmiya gölünün məhv olması və qurumasının qarşısını almaq üçün tədirblər planı həyata keçirir.
Gununsesi.info “Iran Front Page”-yə istinadən xəbər verir ki, bu barədə SEPAH-ın briqada generalı Abdulla Abdullahi məlumat verib.
Onun sözlərinə görə, Urmiya gölünün xilas olması istiqamətində ciddi tədbirlə planı hazırlanıb və hazırda bu planlar həyata keçirilməkdədir: “Hal-hazırda Urmiyə gölünə ətraf çaylardan su axıtmaq üçün 36 km uzunluğunda tunel çəkilir. Çəkilən tuneldən ötürüləcək su ilə Urmiya gölünü xilas etmək mümkün olacaq. Əgər hər hansı maliyyə çətinliyi olmazsa həyata keçirilən layihə 30 ay müddətinə başa çatacaq”.
SEPAH generalı onu da əlavə edib ki, bu gün İran ciddi su qıtlığı problemi ilə üzləşib: “Ölkədə su ehtiyatı bazası yaratmaq üçün Urmiyə gölünün bərpası vacibdir”.
İranlı general onu da bildirib ki, su tunel vasitəsi ilə Qlass çayından çəkilərək Urmiya gölünə ötürüləcək.
Gununsesi.info
