İsraildə son sutka ərzində yeni növ koronavirus infeksiyasına yoluxanların sayı 1929 nəfər artaraq ümumilikdə 47 459-a çatıb. Həmçinin eyni diaqnozdan 8 nəfər ölüb, ölənlərin ümumi sayı 392 olub.
Gununsesi.org xəbər verir ki, bu barədə ölkənin Səhiyyə Nazirliyi məlumat yayıb.
Məlumata görə, hazırda İsraildə 26 323 koronaviruslu xəstə var, onlardan 208 nəfəri ağır vəziyyətdədir, daha 56 nəfər isə süni tənəffüs aparatına qoşulub.
Bununla yanaşı, 20 744 nəfər müalicə olunaraq sağalıb.
