Gununsesi.info xarici mətbuata istinadən xəbər verir ki, çərşənbə günü Kanadanın müstəqillik gününün 150-ci ildönümü ilə əlaqədar olaraq xüsusi mərasim təşkil olunub. Tədbirdə bir sıra dövlət başçıları iştirak edib.
Lakin həmin mərasimdə baş vermiş qayda pozuntusu İngiltərəni ayağa qaldırıb. Belə ki, Kanada general-qubertatoru Devid Conston krallıq protokolunun müddəalarını pozaraq pilləkəni düşməkdə çətinlik çəkən İngiltərə Kraliçası 91 yaşlı II Elizabetin qolundan tutub. Onun bu hərəkəti birmənalı qarşılanmayıb.
Bu hadisə ilə bağlı açıqlama verən general-qubernator etdiyi hərəkətin kraliçanın yıxılmağından daha yaxşı olduğunu bildirib.
Gununsesi.info
