“Əhvalını pozma, arxandayıq”.
Gununsesi.info-nun FOX-a istinadən verdiyi məlumata görə, bunu CXP genəl başqanı Kamal Kılıcdaroğlu adıçəkilən partiyadan olan millət vəkili Enis Berberoğlunun 25 illik həbsinə münasibətini bildirərkən deyib.
“Həbsdən azad olunana qədər mücadiləmizi davam etdirəcəyik”-deyə, o, sözlərinə əlavə edib.
“Küçədən mədət ummayacaqlar, hüquqdan mədət umacaqlar”.
Bunu isə AKP Manisa millət vəkili Səlcuq Özdağ Berberoğlunun həbsinə və CXP-nin təpkisinə münasibətini bildirərkən deyil.
Digər AKP-li millət vəkilləri də “Deputat toxunulmazlıqlarını birlikdə aradan qaldırdıq, siz də buna səs verdiniz. İndi nədən qaçırsınız?”-deyə, vuğrğulayıblar.
Qeyd edək ki, yaxın zamanlarda K. Kılıcdaroğlunun həbslə bağlı CXP adından rəsmi bəyanatla çıxış edəcəyi gözlənilir.
***
Bu dəqiqələrdə CXP lideri qısa bəyanatla çıxış edib:
“Sabah 11:00-da Güvenparkda olacam və əlimdə sadəcə, “Ədalət!” sözü yazılan plakat tutacam. Çünki ədalət ən vacib məqamdır. Ədalət olmayan dövlətmi olar?!”
Kamil HƏMZƏOĞLU
Gununsesi.info
