Ukraynada xarici investorlar üçün əlverişli şərait yaradılıb və Azərbaycan iş adamları bundan çox səmərəli istifadə edirlər.
Gununsesi.info xəbər verir ki, bu fikri Axar.az-a açıqlamasında Ukrayna-Azərbaycan Parlamentlərarası Dostluq Qrupunun rəhbəri Maksim Kuryaçi deyib.
M.Kuryaçi bildirib ki, Azərbaycan iş adamları xüsusilə sosial layihələrin həyata keçirilməsində fəallıq nümayiş etdirirlər. O bildirib ki, Azərbaycan-Ukrayna dostluğu digər dövlətlər üçün nümunədir və bəzən bu münasibətlərə həsəd aparan ölkələr var.
Deputat qeyd edib ki, Ukrayna dövləti bundan sonra da Azərbaycan investorları üçün əlverişli şərait yaradacaq.
Gununsesi.info