Rusiyanın Xarici İşlər naziri Sergey Lavrov bu gün ukraynalı həmkarı Dmitro Kuleba ilə görüşündən sonra bildirib ki, Rusiya Belarusda Ukrayna ilə ciddi danışıqlar aparmaqda qərarlıdır.
Gununsesi.info xəbər verir ki, Lavrovun sözlərinə görə, Antalyada keçirilən görüş Rusiya və Ukrayna nümayəndə heyətlərinin Belarusdakı əsas təmaslarını əvəz etmir.
“Biz Belarus platformasında ciddi danışıqlar istəyirik. Bəzi qeyri-rəsmi sənədləşmə işləri ilə məşğul olmamaq, Ukrayna böhranının hərtərəfli həlli kontekstində bütün hesablarla həll edilməli olan məsələlərdə razılığa gəlmək istəyirik”, – nazir bildirib.
Lavrov qeyd edib ki, bu təmas Belarusdakı əsas danışıqları qüvvədən salmayacaq.
“Moskva Ukrayna böhranı problemləri ilə bağlı istənilən təmasların tərəfdarıdır”, – Lavrov əlavə edib.
Rusiya XİN rəhbəri bildirib ki, Ukraynada humanitar dəhlizlərlə bağlı təşəbbüs qüvvədə qalır.
“Ukrayna münaqişənin həlli ilə bağlı Rusiyanın layihəsini nəzərə alıb. Belarusda aparılan danışıqların son raundunda Rusiya tərəfi artıq hüquqi sənəd layihəsi şəklində son dərəcə konkret mülahizələri təqdim etdi, Kiyev Rusiyanın layihəsini nəzərə alıb”, – Lavrov vurğulayıb.
Gununsesi.info
