ABŞ dövlət katibi Reks Tillersonun aprelin 11-də Moskvaya səfəri zamanı həmkarı Sergey Lavrovla əsas müzakirə predmeti iki ölkənin terrorizmə qarşı birgə mübarizə məsələsi olacaq.
Gununsesi.info “rian.ru”-ya istinadən xəbər verir ki, bunu Rusiya xarici işlər nazirinin müavini Sergey Ryabkov deyib.
XİN rəsmisinin sözlərinə görə, onların dünyanın müxtəlif bölgələrində baş verən hadisələr, o cümlədən, Sankt-Peterburqda baş verən faciə fonunda ABŞ-la istənilən məsələdə dərindən əməkdaşlıq etməkdə maraqlıdırlar.
“Çünki bu əməkdaşlıq dünyanın təhlükəsizliyi baxımından önəmlidir. Əgər qarşı tərəf razı olarsa, biz bu sahələrdə birgə əməkdaşlığa hazırıq”- deyə, S. Ryabkov bildirib.
Qeyd edək ki, ABŞ dövlət katibi R.Tillerson aprelin 11-12-də ikigünlük Moskvaya işgüzar səfər edəcək.
Tillersonun Moskvaya bu səfəri Donald Tramp Amerika prezidenti seçildikdən sonra bu ölkənin xarici siyasət idarəsinin rəhbərinin ilk səfəridir.
Mürtəza
Gununsesi.info
