Rusiya və Ukrayna arasında fevralın 24-dən başlayan müharibə diplomatiya yolu ilə başa çatacaq.
Gununsesi.info xəbər verir ki, bunu Ukrayna Prezidenti Volodimir Zelenski jurnalistlərə müsahibəsində deyib.
Onun sözlərinə görə, sülh danışıqları hibrid formatında davam edəcək. Zelenskinin fikrincə, o əvvəllər hesab edirdi ki, Rusiya ilə müharibəni dialoq yolu ilə həll etmək mümkün olacaq. İndi tamamilə başqa situasiya mövcuddur.
“Qələbə çox çətin olacaq. Qanlı olacaq, mütləq döyüşdə olacaq, amma sonu yenə diplomatiyada olacaq. Mən buna əminəm”, – deyə Prezident qeyd edib.
Zelenski hesab edir ki, müharibənin taleyi yalnız danışıqlar yolu ilə həll olunacaq.
Gununsesi.info
