Qazaxıstan prezidenti Nursultan Nazarbayev Bakının mesajını İrəvana çatdıracaq.
Bunu Gununsesiinfo-ya açıqlamasında politoloq Qabil Hüseynli Qazaxstan prezidenti Nursultan Nazarbayevin Bakıdan sonra İrəvana səfərini şərh edərkən deyib.
Onun sözlərinə görə, N. Nazarbayev təcreübəli siyasətçi olmaqla yanaşı, Azərbaycana dost və yaxşı münasibəti olan bir ölkə başçısıdır. “O hər zaman Azərbaycanın yanında olduğunu nümayiş etdirib. Bu gün də Azərbaycanla Qazaxstan arasında əlaqələr yüksələn xətt üzrə inkişaf edir.Bununla belə Nazarbayev hər zaman imkanları daxilində Azərbaycanın problemlərini, xüsusən də ermənistan-Azərbaycan, Dağlıq Qarabağ münaqişəsinin həlli ilə bağlı prinspial mövqe nümayiş etdirib. O, münaqişənin danışıqlar masası arxasında həlli ilə bağlı mövqeyini bildirib və Nazarbayev İrəvana gözlənilən səfəri zamanı da bir daha Bakının mövqeyini S.Sərkisyana çatdıracaq. Nazarbayev problemin həlli ilə bağlı İrəvanı danışıqlar masası arxasına oturmağı təkidlə tələb edəcək”- deyə, politoloq vurğulayıb.
Q.Hüseynli əlavə edib ki, Nazarbayev hər zaman Azərbaycan daxil olmaqla bütün türk dünyasının problemlərinə dəstək verməklə yanaşı, bu məsələdə prinspiallıq nümayiş etdirib: “Əminəm ki, bu dəfə də belə olacaq. Ancaq onu da bilmək lazımdır ki, hərşey Nazarbayevdən asılı deyil.Bircə onu demək olar ki, Nazarbayev Qarabağ məsələsi ilə bağlı mövqeyini çatdıracaq və Azərbaycanın haqq mövqeyini dəstəkləyəcək. Bu isə Ermənistana sarsıdıcı bir zərbə olacaq”.
Mürtəza
Gununsesi.info