Nazir: “İŞİD ölkədə kütləvi iğtişaşlar yaratmağa çağırış edib”

İŞİD Qazaxstanda kütləvi terror və zorakılıq hadisələri törətməyi planlaşdırır. Gununsesi.info Qazaxstan mətbuatına istinadən xəbər verir ki, bunu jurnalistlərə açıqlamasında Xarici işlər naziri Erlan İdrisov deyib. Nazir deyib ki, əsl adı Taha Cubhi Falaxa İŞİD lideri olanAbu Muhammed əl- Adnani internet vasitəsi ilə müqəddəs Ramazan ayı ərzində Qazaxstan ərazisində kütləvi zorakılıq hadisələri törətməyə çağırış edib.Bununla bağlı artıq hüquq-mühafizə orqanları cəmiyyəti məlumatlandırıb. Nazir onu da deyib ki, Adnani təkcə Qazaxstan ərazisində deyil bütüb dünya ölkələri ərazisində müqəddəs Ramazan ayıı ərzində terror hadisələri və zorakı əməllər həyata keçirməyə səsləyib. Nazir əlavə edib ki, cəmiyyətdə psixi durumunda problem olan qrup tapmaq olar ki, onlar belə çağırışların təsirinə düşərək hansısa ixtişaşlar törətməyə cəhd edərlər. Nazir həmçinin deyib ki, ölkədə bir daha Aktoba şəhərində yaşananların baş verməməsi üçün digər ölkələrlə sıx əməkdaşlıq edirik və belə hadisələrin bir daha təkrarlanmayacağına ümidvarıq.