Bir müddət əvvəl ABŞ prezidenti Donald Trampla MSNBC telekanalında yayımlanan “Morning Joe” adlı televiziya proqramının aparıcıları arasında mübahisə yaranıb. Onlar bir-birinə təhqir dolu sözlər yağdırıblar.
Proqram aparıcılarının Twitter sosial şəbəkəsindəki hesabında Tramp haqqında mənfi statuslar yazması prezidenti əsəbləşdirib.
Tramp da sosial şəbəkədə onların sözlərini cavablayıb. O, “Morning Joe”nin qadın aparıcısı Mikanı “IQ səviyyəsi aşağı olan dəli”, Coyu isə “psix” adlandırıb. Təqdim etdiyimiz 2-ci şəkildə isə Tramp aparıcıların Yeni ildən əvvəl 3 gün ard-arda onunla görüşmək istədiyini, Mikanın dəri dartdırma əməliyyatı nəticəsində üzünün qanadığını və onları qəbul etmədiyini yazıb.
Prezidentlə aparıcılar arasında söz-söhbət o yerə çatıb ki, “The New York Times” gündəlik qəzeti bu məsələyə fikir bildirib. Qəzet Twitter sosial şəbəkəsindəki hesabında status yazaraq Trampın dayanmasını istıyib. “The New York Times” Trampa “Dayan. Sadəcə dayan” deyib.
Gununsesi.info
