Xəbər verdiyimiz kimi , hökumət ölkəyə giriş üçün PCR testi tələbini ləğv edib.
Ümumiyyətlə, dünyanın Covid-19 pandemiyası ilə vidalaşdığı dönəm başlayıb.
Ancaq deyəsən, Ədliyyə Nazirliyinin Penitensiar Xidməti bu reallığı dərk etmir.
Qeyd edək ki, ölkədəki cəzaçəkmə müəssisələrinə giriş üçün PCR testi tələb olunurdu.
Bu tələbin ciddi problem yaratdığı şəxslər arasında vəkillər çoxluq təşkil edir.
Bəs görəsən, Penitensir Xidmət PCR testi tələbini ləğv edirmi?
Qurumun şöbə rəisi Mehman Sadıqov Gununsesi.info-ya açıqlamasında bu tələbin qüvvədə qaldığını deyib:
”Bu tələb nə zamana qədər qüvvədə olacaq, onu deyə bilmərəm”.
Onu da vurğulayaq ki, Penitensiar Xidmət eyni tələbi öz əməkdaşlarına tətbiq etməyib.
Gununsesi.info
