Ölkədə milli siyasi dialoqun təmin edilməsi məqsədi ilə Sudan prezidenti Omar əl-Başir bütün siyasi məhbusları təcili olaraq həbsdən azad edilməsi barədə sərəncam imzalayıb.
Gununsesi.info SUNA-ya istinadən xəbər verir ki, sərəncamda neçə siyasi məhbusun azad olunması göstərilməsə də, sənəddə belə bir qərarın verilməsinin cəmiyyətdə barışıq, milli harmoniya və sülhün təmin olunması məqsədi ilə atıldığı qeyd olunub.
Qeyd edək ki, Sudanda hazırda valyuta böhranı yaşanmaqdadır. Bunun nəticəsində ölkədə hiperinfilyasiya hökm sürür. Bu da ölkədə ciddi narazılıqlara yol açıb.
Gununsesi.info
