Gununsesi.org REGNUM-a istinadən xəbər verir ki, Rusiya dövlət başçısı Vladimir Putin Sankt-Peterburq Beynəlxalq İqtisadi Forumunun plenar iclasında (SPIEF) Çin və ABŞ iqtisadiyyatları arasındakı qarşıdurmanı şərh edib və Rusiyanın bu iqtisadi mübarizədə yerini obrazlı şəkildə çatdırıb.
Putin, Amerika Birləşmiş Ştatları ilə Çin arasındakı iqtisadi müharibəni, pələnglərin döyüşü ilə müqayisə edib və Rusiyanı pələngləri izləyən bir ağıllı meymun adlandırıb.
“Pələnglər vadidə döyüşəndə, bir ağıllı meymun oturub döyüşün necə bitəcəyini gözləyir. Amma hər şey dəyişir, o cümlədən indiki vəziyyət də” – Putin bildirib.
Sovet İttifaqı və ABŞ arasında soyuq müharibə zamanı bu Çin məsəli çox populyar idi və pritçaya görə, meymun kənarda dayanıb pələng və aslan döyüşünə müdaxilə etmir və onlar son güclərini də itirdikdən sonra yaxınlaşıb hər ikisini öldürür…
