Qənirə Paşayeva Gədəbəy əhalisi ilə görüşüb - FOTOLAR +VİDEO

  • By admin
  • 13 İyul 2018 15:53
Millət vəkili Q.Paşayeva Gədəbəydə ziyalılar qarşısında çıxış edib və gənc nəsillərin vətənpərvərlik ruhunda yetişməsi üçün hamımız daha fəal olmalıyıq deyib.
Millət vəkili Qənirə Paşayeva “Sağlamlığın Qorunması” İB-nin rəhbəri Yazgül Abdiyevanın təşkilatçılığı ilə Gədəbəy rayonunda şəhid ailələrinə həsr olunan “Sağlam nəsil, sağlam gələcək” adlı konfransda iştirak edib və çıxışına Prezident İlham Əliyevin hər zaman müşavirələrində səsləndirdiyi xalqın maraq və mənafeləri hər şeydən üstündür düşüncəsini xüsusi vurğulayaraq başlayıb və yerli məmurları, nazirliklərin rayon şöbələri rəhbərlərini əhalinin problem və qayğılarına daha həssas münasibət göstərməyə,onların həlli istqamətində daha çox çalışmağa, süni əngəl və maneələrə yol verməməyə çağırıb:” Cənab Prezidentin də vurğuladığı kimi biz hamımız millət vəkilləri, məmurlar xalqın xidmətçiləriyik və ona yaxşı xidmət göstərmək üçün daha çox çalışmalı və həssas olmalıyıq. Ölkəmizin sabitliyi və inkişafı hamımız üçün ən vacib məsələ olmalıdır. Heç birimizin marağı dövlətimizin marağından üstün ola bilməz və olmamalıdır. Ona görə də cənab Prezidentin qarşıya qoyduğu məqsədlərin həyata keçirilməsi, əhalimizin güzəranının daha da yaxşılaşdırılması istiqamətində birlikdə daha böyük səylə birlikdə çalışmalıyıq”.
Bu cür tədbirin keçirilməsi üçün “Sağlamlığın Qorunması” İB-nin rəhbəri Yazgül Abdiyevaya təşəkkürünü bildirən millət vəkili Q.Paşayeva şəhidlərimizi heç zaman unutmayacağımızı, onları hər zaman sevgiylə anacağımızı, şəhidlərimizlə bağlı tədbirlərin tez-tez keçirilməsi, şəhid ailələrinə daha çox diqqət və qayğının göstərilməsi hər bir azərbaycanlının vəzifəsidir deyib. Şəhid ailələrimizə, Qarabağ qazilərimizə hər bir azərbaycanlı diqqət və qayğı ilə yanaşmalıdır deyən millət vəkili Q.Paşayeva hər zaman sizin yanınızdayıq, bütün Azərbaycan üçün siz çox dəyərlisiniz deyib. Dövlətimizin hər zaman şəhid ailələrinə, Qarabağ müharibəsi veteranları, qazilərinə və əlillərinə dəstək və qayğısından danışan millət vəkili biz hamımız, o cümlədən şəhid ailələrimiz Ali Baş Komandan cənab Prezident İlham Əliyevin rəhbərliyi altında torpaqlarımızın işğaldan azad olunacağına və bütün şəhidlərimizin ruhunun o zaman sakitlik tapacağına əmindirlər. Q. Paşayeva “o gün uzaqda deyil, inşallah torpaqlarımızı işğaldan azad edəcəyik və şəhidlərimizin də ruhu şad olacaq,”- deyərək bütün şəhidlərimizə Allahdan rəhmət diləyib. “Ölkəmizin Birinci Vitse-prezidenti Mehriban Əliyevanın şəhid ailələrimizə hər bir azərbaycanlı diqqət və qayğı ilə yanaşmalıdır çağırışı etmişdi”, – deyən millət vəkili Q.Paşayeva “hər zaman sizin yanınızdayıq, bütün Azərbaycan üçün siz çox dəyərlisiniz”, – deyib.
Uşaqların, gənclərin daha çox oxumağa, mütaliəyə, öyrənməyə, daxili dünyalarını zənginləşdirməsi istiqamətində müəllimlərin, ziyalıların öz səylərini daha da artırmalarının vacibliyini qeyd edən millət vəkili Q.Paşayeva bir sıra lazımsız televiziya proqramları və zərərli vərdişlərin uşaqlarımızı kitaba meyillilikdən uzaq salmasına imkan verməməliyik, bir millətin inkişafı onun gənc nəsillərinin kitaba,oxumağa,öyrənməyə böyük marağlndan keçir deyib. “Ölkəmizin daha da inkişafı üçün gənclərin savadlı, təhsilli, elmə və kitab oxumağa meyilli olması əsas şərtdir”- deyən millət vəkili Qənirə Paşayeva bildirib ki, bir insanın inkişafı və gələcəyində onun təhsili, bir peşə sahibi olması çox böyük önəm daşıyır və uşaqlarımız oxumağa, öyrənməyə, bir peşə sahibi olmağa daha çox meyilli olmalıdırlar, Azərbaycan tarixi ilə bağlı kitabları və Azərbaycan ədəbiyyatını daha geniş mütaliə etməlidirlər. Millət vəkili bildirib ki, hansı peşənin sahibi olmasından asılı olmayaraq hər bir insan öz ölkəsinin və millətinin tarixini də dərindən bilməlidir.
Millət vəkili Q.Paşayeva bildirib ki, gənclərimizin həm fiziki, həm də mənəvi olaraq güclü yetişməsi ən vacib məsələdir, gənclər arasında zərərli vərdişlərə narkomaniyaya, siqaretə, qumar oyunlarına aludə olan gənclərin artması hamımızı ciddi narahat etməlidir deyib və gənclərin bu zərərli vərdişlərdən tamam uzaq durması istiqamətində maarifləndirmə işinin aparılmasının vacibliyini qeyd edib və bu istiqamətdə müəllimlərin, ziyalıların, qeyri-hökumət təşkilatlarının üzərinə mühüm vəzifə düşdüyünü bildirib və səylərini daha da artırmağa çağırıb.
Millət vəkili Q.Paşayeva tədbir çərçivəsində Gədəbəydə ümummilli lider Heydər Əliyevin abidəsini ziyarət edib, abidəsi önünə gül dəstəsi qoyub, eyni zamanda Heydər Əliyev Mərkəzini ziyarət edib, Gədəbəy rayon icra hakimiyyətinin rəsmiləri, ziyalılıar ilə də görüşüb, geniş fikir mübadiləsi aparılıb.

 

Millət vəkili Q.Paşayevanın tədbirdə çıxış videosunun linkini burdan izləyə bilərsiniz.