Dünya bazarında qızılın qiyməti 1 285 dollar/unsiyaya yüksələrək son 7 həftənin maksimal həddinə çatıb.
Gununsesi.info “Reuters” agentliyinə istinadən xəbər verir ki, qızılın qiymətinin yüksəlməsinə səbəb ötən həftənin cümə günü, iyunun 2-də ABŞ-da açıqlanan zəif məşğulluq göstəriciləri olub. Nəticədə, ABŞ Federal Ehtiyat Sisteminin bu ilin qalan hissəsində uçot dərəcəsini artırması ehtimalları azalıb. Bu da öz növbəsində risksiz aktiv sayılan qızıla tələbatı artırıb.
ABŞ-ın “ETF Securities” investisiya şirkətindən Niteş Şax hesab edir ki, qızılın qiymətinin artmasına bir səbəb də son günlər törədilən terror aktlarıdır.
“Report”un analitik qrupu bildirir ki, qızılın qiyməti 1 300 dollar/unsiya səviyyəsini ötərsə, artım tempi sürətlənə bilər. Lakin baza ssenarisi kimi qızılın qiymətinin ucuzlaşması ehtimal edilir.
Gununsesi.info
