Bizi neqativ şeylər deyil, yaxşılıq və gözəllik xilas edəcək. Məsələn, qucaqlaşmaq. Çünki həyatımız bu gözəl hərəkət ilə bir anda dəyişə bilir.
Gununsesi.info qucaqlaşmağın faydalarını və insan orqanizminə möcüzəvi təsirlərini təqdim edir.
Oksitosini artırır
Oksitosin insanlar arasındakı bağları qüvvətləndirən və xoşbəxtlik yaradan hormonlardan biridir. Qucaqlaşma zamanı orqanizm oksitosin hormonu ifraz etməyə başlayır. Nəticədə insan özünü daha yaxşı və daha xoşbəxt hiss edir. Bu hormon, eyni zamanda, immuniteti gücləndirir. Nəticədə orqanizm infeksiyon xəstəliklərə qarşı mübarizədə daha güclü olur.
Güclü münasibətlər üçün zəmin yaradır
Birini qucaqladığımız zaman onunla daha səmimi və daha möhkəm münasibət qurmağa başlayırıq. Bunun səbəbi yuxarıda qeyd etdiyimiz oksitosindir. Qucaqlaşma ilə əlaqələr daha da möhkəmlənməyə başlayır.
Ağrını azaldır
Qucaqlaşmaq insan orqanizminə birbaşa təsir edir. O, ağrını azaldır. Məsələn, yaxınımızın bir yeri ağrıyanda həmin yeri əlimizlə ovuşduraraq ağrını azaldırıq. Qucaqlamaq da, bir növ, “müalicə üsulu”dur.
Qan təzyiqini yaxşılaşdırır
Elmi cəhətdən sübüt olunub ki, qucaqlaşdıqdan sonra qan təzyiqi yaxşılaşır. Bunun səbəbi sinirlərin hərəkətə keçərək beyinə siqnal göndərməsidir. Nəticədə bədən sakitləşir.
Stressi azaldır
Qucaqlaşmaq stress və əsəb xəstəliklərini aradan qaldırır. Nəticədə insan pozitiv şeylər barəsində düşünməyə başlayır. Pozitiv düşüncə isə stressi məhv edir.
Ürək xəstəliklərinə tutulma riskini azaldır
Qucaqlaşan zaman ifraz olunan oksitosin hormonunun faydaları yuxarıda sadaladıqlarımızla bitmir. O, həmçinin, ürək xəstəliklərinə tutulma riskini də aşağı salır. 2009-cu ildə Amerikan Psixosomatik Dərnəyinin apardığı araşdırmaya əsasən isbat olunmuşdur ki, problemli mövzular barəsində danışmazdan əvvəl 290 saniyə qucaqlaşan cütlüklərin qan təzyiqi və ürək ritmi normaya düşür.
Özünüzün və sevdiklərinizin sağlamlığını düşünürsünüzsə, qucaqlaşın 🙂
Gununsesi.info