İtaliya mətbuatının verdiyi xəbərə görə, “Red Bull” komandası İmolada bolidin çəkisini 8 kiloqram azaldacaq.
Gununsesi.info xəbər verir ki, “Red Bull” RB18 hazırda ən ağır maşındır.
Buna baxmayaraq, Avstriya komandası mövsümün ikinci yarışında Ciddədə qalib gəlib.
İndi isə “Red Bull”un İmolada keçiriləcək Emiliya-Romanya Qran-prisinə 8 kiloqram yüngül maşınla gələcəyi iddia olunur. Belə olan halda “qırmızı öküzlər” 0.2 saniyə sürətlənə bilər. Bu da əsas rəqibləri “Ferrari” üçün böyük təhdiddir.
Qeyd edək ki, bolidin çəkisinin 1 kiloqram azalması ən azı 250 min avroya başa gəlir.
“Red Bull” bolidləri RB18-in çəkisini 8 kiloqram azaltsa, 2 milyon xərcləməli olacaq.
Gununsesi.info
