Sabiq xarici işlər naziri Tofiq Zülfüqarov Ermənistan-Azərbaycan münaqişəsinin nizamlanması ilə bağlı danışqılar prosesinin XİN-in əlində toplanması və bunu necə bölünməsinin detallarını açıqlayıb.
Gununsesi.info xəbər verir ki, sabiq nazir öz “Facebook” səhifəsində onun fikirlərinin belə bir diskussiyaya səbəb olmasına və onun fikirinə dəstək verildiyinə görə, öz minnətdarlığını bildirib.
T. Zülfüqarov səsələndirdiyi fikirləri daha geniş formada izah edərək bildirib ki, məqsədi heç də XİN-in münaqişəsinin tənzimlənməsindəki danışıqlar prosesindən tam kənarlaşdırılması deyil.
“Hesab edirəm ki, münaqişənin tənzimlənməsi ilə bağlı siyasi, iqtisadi, hərbi-müdafiə, daxili siyasət və təbliğat işlərini əlaqəli formada həyata keçirmək koordinasiya qurumu yaradılmalıdır. Bu dediklərimə Qaçqın və Məcburi Köçkünlər üzər Dövlət Komitəsi və digər qurumların da fəaliyyəti aiddir. Sözsüz buna etiraz edib deyə bilərlər ki, bütün bunlarla Prezident özü məşğul olur. Ancaq mən elə düşünürəm ki, əgər prezidentin səlahiyyətində olan bütün bu məsələləri həyata keçirən bir qurum fəaliyyət göstərərsə, bunun müsbət nəticəzi olar. Məhz ona görə də dediyimi bir daha təkrar edərək bildirirəm ki, vitse-prezidentlik institutu bu istiqamətdə yeni imkanlar açır”- deyə, T. Zülfüqarov bildirib.
Sabiq nazir Sergey Lavrovla bağlı səslənən fikirləri də izah edərək bildirib ki, bu məsələdə xarici ölkələrdə əsasən iki məqama diqqət yetirilir.
“Bunun biri rəsmi şəxslərin, ikincisi isə ictimaiyyətin münaqişəi ilə bağlı mövqeyidir. Nədənsə ikinci faktora daha çox üstünlük verilir. Məsələn ermənilər məlum aprel döyüşlərindən sonra ictimai rəydən istifadə edərək ATƏT MQ həmsədrlərini inandırmağa çalışdı ki, Azərbaycan torpaqlarının işağl olunmasının qeyri-mümkünlüyü barədə arqumentlərindən istifadə etdi. Bununla müqayisədə Azərbaycan belə bir çox vacib siyasi resursdan istifadə etmirik. Onu demək yerinə düşərdi ki, XİN mətbuat xidmətinin bu istiqamətdəki fəaliyyəti yetərincə deyil. XİN mətbuat xidmətinin bu istiqamətdəki təbliğati işləri Heydər Əliyev Fondunun fəaliyyəti yanında çox zəif görünür”- deyə, T. Zülfüqarov bildirib.
Mürtəza
Gununsesi.info
