“Serj Sərkisyan son kadr dəyişikliklərini öz xoşuna etmir. Ağaları onu buna vadar edirlər”.
Bu fikri Gununsesi.info-ya açıqlamasında millət vəkili Asim Mollazadə son günlərdə Serj Sarkisyanın öz komandasında etdiyi kadr dəyişikliklərinə mövqeyini açıqlayarkən deyib.
Onun sözlərinə görə, baş verən prosesləri növbəti ildə S. Sarkisyanın Ermənistanda baş nazir postuna hazırlığı kimi də dəyərləndirmək olar. “O da bu prosesə astaca hazırlaşır”- deyə, millət vəkili vurğualyıb.
Digər əsas məqamı diqqətə çatdıran millət vəkili bildirib ki, Ermənistan müstəqil ölkə olmadığından burada gedən siyasi prosesləri də gedən siyasi qanunauyğunluq formasında şərh edəsən.”Ermənistan müstəqil ölkə olmadığından buradakı siyasi proseslər də kənardan idarə olunur və Serj Sərkisyana da baş verən proseslərə uyğun olaraq məsləhətlər, göstərişlər, tövsiyyələr verilir. O da bu təvsiyyə və tapşırıqları icra edir.Kadr dəyişiklikləri də həmçinin, ona tövsiyyə edilən kadrı işdən çıxarıb yerinə məsləhət bilinən kadrı təyin edir. Odur ki, Ermənistanda baş verən proseslər və kadr dəyişiklikləri onun istəyi ilə baş vermir”- deyə, A.Mollazadə bildirib.
Politoloq Tofiq Abbassov da hesab edir ki, Ermənistandakı son kadr dəyişikliklərini xarici qüvvələrin əli ilə edilir.
Ermənistandakı son kadr dəyişiklikləri barədə mövqeyini Gununsesi.info-ya açıqlayan politoloq Tofiq Abbasov deyib ki, baş verən hadisələr ilk növbədə aprel döyüşlərindən sonra Ermənistanın yaşadığı acə məğlubiyyətin nəticələridir.”Çünki ondan sonra S. Sərkisyan bu məğluiyyətin məsuliyyətindən qaçmaq üçün bütün günahı generalların üzərinə yıxmaq istəyir. “Düzdür aprel döyüşlərinə görə, generalların məsuliyyət daşısa da, Serj Sarkisyan bu uğursuzluğa görə məsuliyyətdən boyun qaçıra bilməz. Çünki o, özü Ermənistanın ali Baş komandanı kimi apreldə Qarabağ cəbhəsindəki məğlubiyyətə görə bütün baş verənlərə məsuliyyət daşıyır. Odur ki, S. Sarkisyan komandasında rotasiya yolu ilə məsuliyyətdən qaçmağa çalışır”- deyə, politoloq əlavə edib.
Politoloq onu da bildirdi ki, Ermənistanda baş verən bu kadr dəyişikliklərində xarici qüvvələrin əlinin olduğunu istisna etmədi: “Hələ zamanında Sarkisyan Xarici işlər naziri vəzifəsini başqa şəxsi yoqmaq istəyirdi, ancaq Moskvanın təkidi ilə Edvard Nalbandyan nazir təyin edildi. Yeni müdafiə naziri də çox güman ki, xarici qüvvələrin əli ilə təyin edilib.Bu yolla bu ölkədə təsiri olan xarici qüvvələr Serj Sarkisyan hakimiyyətini sakitcə hakimiyyətdən uzaqlaşdırmaq yolunu tutublar. Ermənistanda siyasi təsiri olan xarici qüvvə yaxşı anlayır ki, S. Sarkisyan hakimiyyətdə qaldıqca Azərbaycanla kompromiss axtarmaq mümkün deyil. Ona görə də, S. Sərkisyan komandasında “Qarabağ” klanına aid olmayan qüvvələri hakimiyyətə gətirirlər. Bu yolla kriminal dəstə olan “Qarabağ” klanını hakimiyyətdən uzalqaşıdmaq istəyirlər. Necə ki, yeni müdafiə naziri “Qarabağ” klanına aid deyil, digərləri də bu klana məxsus olmayan kadrlar olacaq və bu proses 2017-ci ilin ortalarınadək davam edəcək. parlaent seçkilərindən sonra S. Sarkisyan və onun komandası hakmimiyyətdən uzaqlaşdırılacaq”.
Mürtəza
Gununsesi.info
