Bu gün “Araz” zavodunun ətrafından 10 partlamamış hərbi sursat tapılıb.
Bu barədə Gununsesi.info-ya Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) məlumat verilib.
Şirvan şəhərində Müdafiə Sənayesi Nazirliyinə məxsus “Araz” zavodunda baş vermiş partlayışla əlaqədar FHN-nin Böhran Vəziyyətlərində İdarəetmə Mərkəzinin məlumatlarına əsasən 8 ev və həyətyanı sahəyə baxış keçirilib, 10 ədəd partlamamış hərbi sursat (8 ədəd PQ-9 raketi, 1 ədəd OF-56 122 mm-lik top mərmisi, 1 ədəd Q-530 152 mm-lik top mərmisi aşkar edilərək, götürülüb. Sursatların zərərsizləşdirilməsi üçün müvafiq tədbirlər görülür. Nəticə etibarilə 5000 kv.m ərazi yoxlanılıb.
Gununsesi.info
