Azərbaycan Respublikası Kinematoqrafçılar İttifaqı iki avqust Milli Kino Günü ilə bağlı özünün ən böyük mükafatını, “Milli Kino Mükafatını” təqdim edib.
İttifaqın mətbuat xidmətindən Gununsesi.info-ya daxil olan məlumata görə, Azərbaycan kinosuna verdiyi tövhələrə görə xalq artisti, məşhur kinorejissor, Space TV-nin rəhbəri Vaqif Behbud oğlu Mustafayev “Milli Kino Mükafatına” (mükafatı 2000 manat) layiq görülüb.
Qeyd edək ki, Vaqif Mustafayevə təqdim edilən mükafat avqustun 2-də Mədəniyyət və Turizm Nazirliyinin Nizami Kino Mərkəzində keçiriləcək tədbirdə təqim olunacaq.
Gununsesi.info
