Azərbaycanın Xəzər dənizindəki “Şahdəniz-2” yatağındakı qazın Avropa bazarına çıxarılması üçün çəkilən Transanadolu qaz boru kəmərinin Türkiyənin Kütahya əyalətinin Domaniç rayonu ərazisində qaz boru kəmələri üçün qazıntı işləri aparılarkən məzarlıq aşkar edilib.
Gununsesi.info “haberturk”ə istinadən xəbər verir ki, məzarlığın Roma dövrünə aid edildiyi bildirilir.
Məzarlıq boru xəttinin Dəyirman Kırı deyilən ərazidən keçən hissəsində aşkar edilib. Məzarlıq aşkar edildikdən sonr Kütahya Muzey İdarəsinə xəbər verilib və məzarlıqdakı insan skletləri araşdırılıb. Və bəlli olub ki, bu məzarlıq təqribən eramızdan əvvəl 2-ci və ya 3-cü əsrə məxsus Roma dövrünə aiddir. Qazıntı zamanı 5 kirəmit saxsı məzar aşkar edilib. Məzarlıqdakı skletlərin kişi, qadın və uşaqlara aid olduğu bəlli olub.
Rəsmilərin dediyinə görə, qaz kəmərinin keçdiyi ərazilərdə yeni belə məzarlığın aşkar edilməsi istisna deyil.
Gununsesi.info
