Tunis Prezidenti Kais Səid Daxili İşlər naziri Hişem Meşçini yeni Baş Nazir təyin edib.
Gununsesi.info bildirir ki, bu barədə “Tunis Afrique Presse” agentliyi xəbər verib.
Agentlik qeyd edir ki, respublika Prezidenti yeni Baş Nazirə Tunis hökumətini formalaşdırmağı tapşırıb.
Tunis qanunvericiliyinə əsasən, Nazirlər Kabinetinin formalaşdırılması üçün Meşçinin bir ay vaxtı olacaq. Hökumətin yekun tərkibi ölkənin Xalq Nümayəndələri Assambleyası tərəfindən təsdiq ediləcək. Əgər parlament Nazirlər Kabinetinin tərkibini təsdiq etməkdən imtina etsə, ölkə Prezidenti parlamenti buraxmaq və seçkiləri elan etmək hüququ əldə edəcək.
Gununsesi.info
