Suriyanın şimalında Afrin əyalətində Türk ordusu ilə PKK yaraqlıları arasında toqquşma baş verib və davam etməkdədir.
Gununsesi.info kürdlərə məxsus Firat media qurumuna istinadən xəbər verir ki, aprelin 25-də Türk ordusu PKK yaraqlılarının mövqelərinə artilleriyadan zərbələr endirib. Türk ordusu artilleriya zərbələrindən sonra Rako deyilən ərazidə Firfirke kəndində PKK-çıların mövqeyinə hücuma keçib. Baş verən hərbi toqquşma nəticəsində itkilər olsa da, hələlik bu barədə məlumat verilmir.
Aprelin 25-də Türk ordusunun SuriyanınHaseke əyalətinə və İraqın şimalında YPG yaraqlılarının mövqelərinə aviazərbələr endirməsi nəticəsində 20 terrorçu ölüb, 18-i isə yaralanıb.
Gununsesi.info
