Yeni dərs ilinin başlanması ilə bağlı yol polisi artıq gücləndirilmiş iş rejiminə keçib.
Bunun Gununsesi.info-ya açıqlamasında Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədov deyib.
Onun sözlərinə görə, yeni dərs ilinin başlanması və Qurban bayramının bitməsi ilə əlaqədar olaraq paytaxta girişdə, həmçinin küçələrində hərəkətin intensivliyinin artması müşahidə olunur. “Yol polisi də artıq bu gündən etibarən paytaxta girəcəkdə, xüsusən də Bakının şimal girəcəyində, küçələrdə hərəkətin intensivliyini nəzərə alaraq proflaktik tədbilər çərçivəsində süni tıxacların qarşısını almaq və hərəkətin axarlılığını təmin etmək, həmçinin yol-nəqliyyat hadisələrinin qarşısını almaq məqsədi ilə yollarda gücləndirilmiş iş rejiminə çalışır. Ümumiyyətlə ölkədə bayaram günlərinin. Dövlət əhəmiyyətli tədbirlər keçirilib-keçirilməməsindən asılı olamayaraq təhlükəsizliyin, yol-nəqliyyat hadisələrinin qarşısının alınması, asayişin sabitliyinin təmin edilməsi polisin ən ümdə vəzifəsidir. Ancaq Yeni dərs ilinin başlanmasınə ilə əlaqədar olaraq paytaxta axının gücləndiyini, eyni zamanda təhsil ocaqlarında bir sıra tədbirlərin keçirilməsinin və açılış mərasimlərinin keçirilməsini nəzərər alaraq gücləndirilmiş iş rejimində çalışacağıq. Yol polisi və polis Yeni dərs ili ilə bağlı asayişin, təhlükəsizliyin təmin edilməsi, yol-nəqliyyat hadisələrinin, süni tıxaclarn qarşısını almaq məqsədi ilə polis daha ciddi iş rejimində çalışaraq vətəndaşların rahatllığını təmin etməyə çalışacaq və istənilən xoşagəlməz halların qarşısını vaxtında almaq istiqamətində səylərini birəbeş artıracaq”- deyə, V. Əsədov bildirib.
V. Əsədov eyni zamanda sürücüləri xəbərdar etdi ki, yol hərəkət qaydalarına riayət etməyə, süni tıxacların yaranmasına səbəb olmamaq üçün parklama əməliyyatını düzgün həyata keçirməyi, sürət həddinə riayət etməyi tövsiyyə edib. O deyib ki, əks təqdirdə həmin sürücülər məsuliyyətə cəlb ediləcək.
V. Əsədov onu da əlavə edib ki, Yeni dərs ilinin başlanması ilə əlaqədar Baş Dövlət Yol Polisi sentyabr ayının 10-dan oktyabr ayının 10-dək respublika ərazisində «Diqqət, uşaqlar!» adı altında hərəkətin təhlükəsizliyi aylığı keçirilir.
Mürtəza
Gununsesi.info
