Xəbər verildiyi kimi, dünən Türkiyə Respublikasının Zəfər bayramı və Türk Silahlı Qüvvələri Günü münasibətilə qardaş ölkənin Azərbaycandakı səfirliyində rəsmi qəbul təşkil olunub.
Gununsesi.info xəbər verir ki, qəbulda səfirliyin və Türkiyə Silahlı Qüvvələrinin Azərbaycandakı hərbi attaşeliyinin əməkdaşları, dövlət və hökumət nümayəndələri, Milli Məclisin deputatları, iş adamları, xarici ölkələrin Bakıdakı səfirləri və KİV təmsilçiləri iştirak ediblər.
Amma maraqlıdır ki, təbdirə dəvət olunanlar və iştirakçılar arasında Azərbaycan müxalifətinin tanınmış və aparıçı simaları gözə dəyməyib. Daha doğrusu, onlar bu dəfəki bayram tədbirinə dəvət edilməyiblər.
Bu yerdə xatırladaq ki, Türkiyədəki məlum 15 iyul hadisələrindən sonra FETÖ ilə əməkdaşlıq adı altında Azərbaycanda da həbslərə başlanılıb, hətta, bəzi müxalifyönlü şəxslərə bununla bağlı rəsmi ittihamlar da irəli sürülüb. Görünür, elə bu səbədən də Türkiyənin ölkəmizdəki səfirliyi bu dəfə müxalifətlə məsafəli davranmağa üstünlük verib…
Eyni zamanda qeyd edək ki, müxalifətin hansı səbəbdən və nədən tədbirə dəvət edilməməsini də araşdırmağa çalışacağıq…Bizi izləyin.
Gununsesi.info
